Kautamaning Bebrayan [31-34]

Kautamaning Bebrayan [31] :

Dedana utawa sedhekah marang wong kang lagi nyandhang papa cintraka iku sawijining panggawe becik kang patut tinuladha, sauger paweweh mau ora kinanthenan panggrundel kang nelakake ora ikhlasing ati. Tetembungan kang lembah manah lan merak ati iku luwih gedhe ajine katimbang dedana banda breya kang ora ikhlas. Suprandene nulung lan menehi pepadhang marang jiwane wong kang kacingkrangan iku kang sejatine luwih perlu lan wigati, katimbang mung tetulung marang awake kang awujud lair bae.

Keutamaan Hidup bermasyarakat [31] :

Bantuan atau sedekah kepada orang yang lagi mengalami kesengsaraan itu salah satu perbuatan baik yang patut dicontoh, asal pemberian tersebut tidak dengan menggerutu yang menggambarkan tidak ikhlasnya hati. Kata-kata yang lemah lembut dan menyenangkan hati itu lebih berharga daripada bantuan harta benda yang tidak ikhlas. Terlebih lagi menolong dan memberikan pencerahan kepada jiwa seseorang yang sedang dalam kesulitan itu sejatinya lebih perlu dan lebih penting, daripada hanya pertolongan lahiriah saja.

Kautamaning Bebrayan [32] :
 

Ulat sumeh, tindak-tanduk sareh kinanthenan tembung aris iku bisa ngruntuhake ati sarta ngedohake panggodhaning setan. Kosokbaline watak wicara kang keras, kejaba keduga gawe tangining kanepson, uga gampang nuwuhake salah panampa. Sabarang prakara kang sejatine bisa putus sarana aris lan sareh, kapeksa dadi adu wuleding kulit lan atosing balung, kari si setan ngguyu ngakak bungah-bungah.

Keutamaan Hidup bermasyarakat [32] :

Wajah penuh senyuman, tingkah laku sabar dibarengi kata-kata yang lemah lembut itu bisa meruntuhkan hati dan menjauhkan godaan setan. Sebaliknya watak dan bicara keras, selain bisa membangunkan emosi kemarahan,juga gampang menumbuhkan salah paham. Sembarang masalah yang sejatinya bisa selesai dengan kelembutan dan kesabaran, terpaksa jadi pertengkaran fisik, menjadikan setan tertawa terbahak-bahak.

Kautamaning Bebrayan [33] : 

Wong kang kulina urip mubra-mubru iku samangsane ngalami sandhungan urip sethithik bae adate gampang kethukulan gagasan lan gawe kang cengkah karo bebener, luwih begja wong kang uripe pokal samadya nanging resik atine. Dene begja-begjane wong iku ora kaya wong sing tansah urip ing kahanan kang kebak godha rencana, prasasat tapa ana satengahing coba, nanging tansah tawakal lan kandel keimanane marang adiling Pangeran Kang Maha Kuwasa.

Keutamaan Hidup bermasyarakat [33] :

Orang yang terbiasa hidup hura-hura itu pada saat mengalami sandungan hidup sedikit aja biasanya mudah menimbulkan gagasan dan tindakan yang bertentangan dengan kebenaran, lebih beruntung orang yang hidupnya sederhana namun hatinya bersih. Sedangkan lebih beruntung itu tidak seperti orang selalu hidup dalam keadaan yang penuh dengan goda dan cobaan, seperti pertapa di tengah godaan, tetapi selalu tawakal dan tebal imannya kepada keadilan Pangeran Yanh Maha Kuasa. 

Kautamaning Bebrayan [34] :

Sipate wong urip iku mesthi kesinungan kekuwatan. Kang ngerti bisa ngecakake, dene kang ora bisa ngerti lan kurang digladhi, temahan ora tumanja. Ewasemono ngempakake kekuwatan mula ora gampang. Buktine ora sethithik kekuwatan kang empane ora mapan. Kawruhana, yen rusake bebrayan ing antarane marga saka pakartine para-para kang ngerti marang dayaníng kekuwatane nanging ora kanggo nggayuh gegayuhan kang mulya, mung kanggo nuruti derenging ati angkara.

Keutamaan Hidup bermasyarakat [34] :

Manusia hidup pasti memiliki kekuatan. Yang memahami mampu menerapkan, sedangkan yang tidak memahami dan kurang dilatih, menjadi sia-sia. Namun demikian menerapkan kekuatan dengan benar memang tidaklah mudah. Buktinya tidak sedikit kekuatan (kekuasaan) yang penerapannya tidak tepat. Ketahuilah, jika kerusakan dalam kehidupan masyarakat diantaranya disebabkan oleh tingkah laku mereka yang paham akan dayanya kekuatan tetapi bukan untuk mencapai hal yang mulia, namun hanya untuk memuaskan nafsu angkara murka.

 

<<< Sebelumnya                 <<< Awal >>>                   Selanjutnya >>>